Маскенбал во Крушево, најоригиналните маски добија награди

Денеска на градскиот плоштад во Крушево, се одржа традиционалниот првоаприлски маскенбал во организација на ООУ „Никола Карев“ и СОУ „Наум Наумовски Борче“, а со поддршка од Општина Крушево, хотел Панорама, Ресторан Шапе, Крушевска Одаја, хотел Монтана палас, Snow Kitchen & Bar, пицерија Скар, ресторан Под липите, Импресо, Олд Скул, клуб Планет и други.

Дел од маскенбалот беа учениците од основното и средното училиште, чии маски беа поделени во повеќе категории. На најдобрите маски од секоја категорија им беа доделени награди.

На маскенбалот присуствуваше и градоначалникот на општина Крушево, Томе Христоски.

„И покрај состојбата со пожарите околу Крушево, присуствував на маскенбалот за да ја видам креативноста и оригиналноста на децата и младите. Верувам дека на сите присутни, младите со своите маски им го разубавија денот“, изјави Христоски.