Министерот Адеми во посета на меѓународниот форум „Од кризен менаџмент до идни миграциски политики“
Министерот задолжен за дијаспора Едмонд Адеми, по покана на директорот на Меѓународниот центар за миграциски политики и поранешен премиер на Австрија Михаил Шпинденглер, ќе учествува на меѓународниот форум „Од кризен менаџмент до идни миграциски политики“ кој ќе се одржи во Виена на 18 и 19 октомври, 2018.
Министерот Адеми ќе учествува во високиот политички панел на кој ќе учествуваат федералниот министер за култура и медиуми на Австрија, Гернот Блумел, министерот за миграции на Холандија, Марк Харберс, министерот за надворешни работи на Турција, Мевлут Чавушлогу и претставници на други влади од земјите членки на ЕУ, како и претставници на организации и институции.
На форумот во Виена ќе се обрати и високата претставничка за надворешна и безбедносна политика на ЕУ, Федерика Могерини.
