ПУБЛИКУМ Вистината на прво место
На Балканското првенство за пионери кое изминатиов викенд се одржа во Будва, Црна Гора, во категоријата до 46 кг. македонскиот џудист Марко Димитријоски забележа голем успех освојувајќи го третото место и бронзениот медал.
Во конкуренција на најдобрите млади џудисти од Балканот, Димитријоски покажа исклучителна подготвеност и борбен дух, забележувајќи 5 победи во вкупно 6 борби.
Одличен резултат постигна и џудистката на ЏК „Пролетер“ од Прилеп, Џени Димитријоска, која на силниот меѓународен турнир во Беочин, Србија, се искачи на највисокото место на подиумот.
Покрај златниот медал на Димитријоска, во добро светло се прикажаа и останатите млади прилепски џудисти: Ведран Цветкоски, Анастасија Здравеска и Стефан Николоски.
