Младите прилепски социјалдемократи со хуманитарна акција за помош на социјално загрозено семејство

Членови на СДММ – Прилеп, заедно со советникот во Советот на општина Прилеп, Адем Мамудоски спроведоа хуманитарна акција за помош на социјално загрозено семејство во населбата “Тризла 2”. На шестчленото семејство во кое сопружниците и родители на 4 малолетни деца се од различна етничка припадност, мајката Македонка а таткото Ром, младите социјалдемократи му донираа храна и средства за хигиена. Средствата беа обезбедени на хуманитарниот турнир кој пред две недели се одржа во населбата „Тризла 2“.

Од СДММ – Прилеп рекоа дека помошта е скромна, но дека таа треба да претставува поттик за сите граѓани и правни субјекти да ја покажат својата хуманост и да им помогнат на своите сограѓани кои се соочуваат со борбата за гола егзистенција.