МНР ги повикува македонските граѓани да го напуштат Либан

Министерството за надворешни работи ги советува сите македонски државјани кои се моментално во Либан, да ја напуштат државата во најбрзо време поради влошената безбедносна ситуација на територијата.

Оттаму апелираат и да се одложат сите патувања кон Либан, кои не се неопходни.

„Постои можност за натамошно влошување на ситуацијата, а со тоа и намалени можности за навремено напуштање на Либан,“ се вели во апелот на МНР.

Ова се случува откако Хезболах објави снимка која наводно е од израелска воена инфраструктура, а Израел Кац, министерот за надворешни работи на Израел предупреди дека Хезболах ќе се соочат со „деструкција“.

Извор: МЕТА