Утре, вторник 30 јули со почеток во 20.00 часот, во киното Мис Стон ќе биде изведена монодрамата „Пауна“, по текст на Мирјанка Ристеска Селчанец.
Монодрамата ја изведува Сара Марковска, 16 годишна ученичка од Ресен, која на годинешниот 17. Интернационален фестивал „Актерот на Европа“, се закити со наградата млад актер .
Режисери на претставата се Сотир Чаушевски и Даринка Веслиевска од Ресен, а кореографијата е на Виолета Колодезни.
Настанот е во рамките на Прилепското културно лето, што го реализира ЦК „Марко Цепенков“.