По едномесечниот пост, во кој верниците се воздржуваа од храна и пијалоци од зора до зајдисонце, денеска во џамииите се служи утринска Рамазан-Бајрамска молитва, но верниците поради коронавирусот годинава главно остануваат на отворено, пред џамиите.

Рамазан, деветиот месец во исламскиот календар, воедно е и месец на почетокот на објавата на Коранот. Поголемиот дел верници од исламска вероисповед и во С. Македонија овој празник го слават три дена, тоа е период на посети, семејни собири и масовни дневни гозби, но поради пандемијата на коронавирус втора година по ред тоа се прави во видоизменета форма со почитување на мерките за епидемиолошка заштита.

Во текот на Рамазанскиот пост муслиманските верници се обврзани да даваат садакатул-фитер, милостина на сиромашните. За празникот се испраќаат пораки со солидарност и изрази на морална помош. На Бајрам се потсетува на сиромашните, децата без родители и на осамените.

Извор: DW