Најмалку десетмина загинати во руски ракетен напад на преполн трговскиот центар во централна Украина

Најмалку 10 лица загинаа, а повеќе од 40 се повредени во руски ракетен напад врз трговски центар во Кременчук, пренесува АФП, повикувајќи се на изјава на регионалниот гувернер на Полтава.

Антон Герашенко, советник на украинскиот министер за внатрешни работи, на социјалните мрежи објави видео од акцијата за спасување на цивилиte што се одвива во трговскиот центар во Кременчук, кој денеска беше нападнат од руските сили.

„Нашите спасувачки служби моментално работат на расчистување на остатоците од трговскиот центар, кој денеска беше нападнат од Русите со крстаречка ракета. Погледнете што остана од него“, вели Герашенко во видеото.

Украинските власти претходно денеска соопштија дека градот Лисичанск е цел на руски напад. Градот е последното украинско упориште во источната област Луганск. Нападите доаѓаат во време кога западните лидери на Самиот на Г7 во Германија ветија дека ќе продолжат да ја поддржуваат Украина.