ПУБЛИКУМ Вистината на прво место
Наместо да воведе нови автобуси и бесплатен автобуски превоз, директорот на Јавното сообраќајно претпријатие Скопје Иван Илиевски, си поднесе оставка. Ова е втора оставка на директор на некое јавно претпријатие под ингеренции на Град Скопје во рок од само шест месеци.
Со реакција за оставката на Илиевски се огласи и СДСМ.
„Очигледно дека и директорите на јавните претпријатија почнаа да бегаат од Данела Арсовска и нејзината неспособност. Толку од менаџерските способности на Арсовска. Прекинати проекти и партизација на градот е се што Арсовска ‘сработи’ во првите шест месеци од нејзиниот мандат. Шест месеци беа доволни Арсовска да се докаже како најнеуспешниот градоначалник на Град Скопје, таа и останатите градоначалници од ВМРО-ДПМНЕ се најголемото разочарување за граѓаните“, се вели во реакцијата на СДСМ.
