ПУБЛИКУМ Вистината на прво место
гледниот српски политички магазин „Време“ во бројот 1.468, кој излезе на 21 февруари годинава објавува анализа за состојбата во Македонија „Поен за НАТО, демократијата како „колатерална штета“, од Ѓорѓе Вукадиновиќ, пратеник во српскиот парламент и уредник на политичкиот магазин „Нова српска политичка мисао“, која содржи неколку непрецизности и грешки.
Пишувајќи за кризата помеѓу Македонија и Грција во последните 28 години, како и за нејзиното разрешување, Вукадиновиќ прави неколку веднаш забележливи пропусти, кои се навистина непростливи за политички аналитичар од неговиот маштаб.
Вукадиновиќ пишува за „неуспешен референдум“, заборавајќи дека референдумот во Македонија за Преспанскиот договор, прво беше консултативен, привлече 666.000 гласачи од кои 91,46 отсто од гласачите гласаа за прифаќање на Преспанскиот договор.
Авторот вели дека антиквизација на Македонија почнала „од почетокот на спорот за Грција“, заборавајќи дека антиквизацијата почна пред десет години од 2008 година, со промените на името на скопскиот аеродром, на автопатот и со почетокот на епизодата со спомениците од античките личности со проектот „Скопје 2014“.
Вукадиновиќ пишува дека во Македонија автопатот и аеродромот носат антички имиња, иако тие се преименуваа набргу по стапувањето на власт на новиот владин кабинет предводен од Заев.
