Времето денеска ќе биде облачно, со пообилни врнежи од снег, особено во западните делови. Насекаде ќе се формира нова снежна покривка од 10 до 30 см, а на планините позначителна, над 50 см. Заради ниските температури ќе има појава на голомразица. Дневната температура ќе се движи од -5 до 2 степени Целзиусови.
Слично време не’ очекува и во четврток и петок, кога ќе има повремени врнежи од снег и ќе дува слаб до умерен ветер. Минималната температура ќе се движи помеѓу -1 и -9 степени, а дневната од -3 до 3 степени над нулата.