Со одлука на Регулаторната комисија за енергетика, од ноќеска на полноќ бензините поевтинуваат за 4 денари, а дизелот и екстра лесното масло за домаќинство за 3,5 денари.
Новата цена на ЕУРОСУПЕР БС-95 ќе биде 63 денари за литар, а ЕУРОСУПЕР БС-98 65 денари. Цената на ЕУРОДИЗЕЛ ќе изнесува 61 денар, а екстра лесното масло за домаќинство 49,5 денари. За 3,307 денари по килограм се намалува малопродажната цена на мазутот М-1 НС, со што килограм од тој енергенс ќе се продава по 31,826 денари.
Малопродажните цени на нафтените деривати се намалуваат во просек за 6,53 проценти.
Регулаторната комисија ја донесе одлуката врз основа на движењето на просечната цена на суровата нафта на светските пазари и курсот на денарот во однос на доларот.