Новогодишни честитки од учениците на ООУ „Рампо Левката“ за лицата од Дневниот центар за лица со церебрална парализа

Во текот на вчерашниот ден, дел од наставниците од ООУ „Рампо Левката“ од Прилеп, посетија неколку институции од градот. Целта на посетата беше да ја пренесат пораката и позитивната енергија од своите ученици, како и да им ги врачат новогодишните честитки што ги изработија учениците од одделенска настава, исполнети со шарени бои, весели дезени, најискрени и најубави новогодишни желби и пораки.

„Ги посетивме Дневниот центар за лица со церебрална парализа, Општата болница „Борка Талески“ и Детската амбасада За сите деца во светот, каде што со самото подарување на новогодишните честитки, внесовме зрак позитивна енергија и го доловивме новогодишниот дух во овие тешки и специфични околности во кои сите ние сме затекнати. Со својата иницијатива и акција за подарување на изработените честитки, учениците им ги честитаа Новогодишните и Божикните празници на нашите херои – здравствените работници и на своите другарчиња од Дневниот центар и од други ранливи категории“, изјави Габриела Салатоска, одделенски раководител во ООУ „Рампо Левката“.

Прочитајте повеќе

мицкоски

СДСМ: Мицкоски е ист како Груевски, злоупотребени децата во Гевгелија

Соопштение за јавност на СДСМ Христијан Мицкоски е ист како неговиот претходник и ментор Никола …