Новозаразени 68 лица, вкупната бројка стаса до 828 пациенти

Новозаразени 68 лица, вкупната бројка стаса до 828 пациенти

Министерството за здравство информира дека во изминатите 24 часа се регистрирани 68 нови случаи на ковид-19. Во Скопје 15, во Куманово 18, во Прилеп 14, во Тетово двајца, во Струга 10, во Велес шестмина, a во Битола, Гостивар и во Кочани има по еден новозаболен пациент.

Со ова, вкупната бројка на дијагностицирани пациенти е 828. Досега во земјата се направени вкупно 8.057 тестирања на ковид-19.

„На Клиниката за инфективни болести и фебрилни состојби во Скопје се примени двајца нови пациенти, а вкупно хоспитализирани се 69. Од нив, 18 се на кислородна поддршка, а осуммина се на респираторна машина. Во „8 Септември“, примени се 9 нови пациенти, а вкупно се хоспитализирани 31 пациент, од кои шест се на респираторна машина. Во болницата во Битола се хоспитализирани шест пациенти.

Пациентите се стабилни, а еден пациент е повремено на кислородна поддршка. На домашно лекување се следат осум пациенти со лесна клиничка слика. Во болницата во Штип се хоспитализирани 13 пациенти, а уште 13 се следат на домашно лекување“, информираат во министерството.

Прочитајте повеќе

Жешкото време носи и „жешки“ сметки за струја

Жешкото време носи и „жешки“ сметки за струја

Просечната дневна потрошувачка на електрична енергија во текот на јули се зголемила за околу 1.500 …