НУНС: Недопустливо е бесрамното искористување на жртвите од трагедијата за лична промоција

Претседателот на Република Србија Александар Вучиќ вчера во придружба на поголем број новинари, сниматели и фоторепортери ги посети државјаните на Македонија кои се повредени во пожарот во дискотеката во Кочани, а кои се лекуваат во Србија. Независното здружение на новинари на Србија (НУНС) најостро го осудува овој постапка кој покрај тоа што е етички недопустливо, и ги загрозува животите на тешко повредените. 

Александар Вучиќ заради сопствена промоција одлучи да ги искористи и жртвите од пожарот. Овој пат, заедно со новинари одлучи да оди во „посета” и наместо надлежните во Клиничкиот центар на Србија (КЦС), тој да ѝ соопшти на јавноста и на семејствата на повредените каква е нивната здравствена состојба. 

Медиумските работници кои се согласија да го следат Претседателот во оваа посета учествуваа во злоупотребата на повредените лица. Злоупотребата и манипулацијата со чувствата на жртвите и нивните блиски е кршење на новинарската етика. Можеме само да ги претпоставиме сите други можни тешки здравствени последици за животно загрозените пациенти кои се наоѓаат во строго контролирани услови со присуството на лицата на кои не им е место таму. 

НУНС најостро го осудува овој потег на власта и бара одговорност за загрозување на здравјето на пациентите. Посетата на повеќе лица кои не се клинички стручен персонал не смееле никако да бидат таму.

Се поставува прашањето, кој го дозволил тоа. За сега се знае дека согласност од пациентот или нивните родители за ваква посета не била побарана и на тоа морале да укажат началниците на КЦС. 

И про-владините таблоиди во Србија максимално ја експлоатираа оваа трагедија со наслови кои не можат да се наречат ни „кликбејт”, а кои се чист пример за најгрубо и немилосрдно нарушување на достоинството на жртвите. Тоа се медиуми кои добиваат најмногу пари од граѓаните преку проектно кофинансирање, јавни набавки и други облици на финансирање. Крајно време е да престанат да се наградуваат и затоа ги повикуваме сите оние кои ги делат парите на сите граѓани на Србија добро да размислат дали и понатаму ќе поддржуваат такво „новинарство”.  

Покрај тоа НУНС ги повикува и приватните огласувачи да водат сметка во кои медиуми се рекламираат бидејќи одговорното огласување е клучно за заштита на угледот и добриот глас на поединечните компании. 

Извор: МЕТА