трејлер за новиот филм за формула 1

Објавен е трејлерот за новиот филм за Формула 1

Возачот Луис Хамилтон е еден од извршните продуценти на филмот за Формула 1, главната улога ја игра Бред Пит, а режисер на филмот за Apple TV е познатиот Џери Брукхајмер

Минатиот викенд, на трката во Формула 1 за Големата награда на Британија во Силверстон, беше претставен првиот трејлер од новиот филм за овој спорт, кој се снима веќе три години. Бред Пит го игра главниот лик, кој е привремен возач што се враќа во тимот и го подигнува измислениот тим APXGP од дното. Филмот е сместен во тековната ера, па во него се појавуваат сегашните возачи и членовите на тимовите. Снимањето на овој филм е уникатно, бидејќи се одвива за време на вистински трки, каде што актерите понекогаш се мешаат со вистинските спортисти и техничкиот персонал.

Режисер на филмот е Џери Брукхајмер (Топ Ган, ЦСИ…), а еден од извршните продуценти е Луис Хамилтон, победникот на трката минатиот викенд. Интересно, снимањето продолжи и овој викенд, па во ТВ преносот понекогаш можеа да се видат актерите и екипата во позадина. На пример, додека возачите даваа интервјуа по трката, истото го правеа и актерите од филмот, на истото место, пред нивните камери.

Прочитајте повеќе

Две златни арени за „Домаќинство за почетници” на Горан Столевски

Две златни арени за „Домаќинство за почетници” на Горан Столевски

„Домаќинство за почетници“ може да се погледне на 19ти и 20ти јули во Кинотеката на …