Облачно време со повремени врнежи од дожд и снег

Времето денеска ќе биде променливо облачно, со кратки сончеви периоди и слаб до умерен ветер со променлив правец. По одделни котлини во земјава ќе има појава на магла.

Во Скопје, утринската температура ќе се движи до -2 степени, а во текот на денот ќе се зголеми до 5 Целзиусови степени. Во останатите делови од државата, дневната температура ќе се движи од 0 до 9 степени Целзиусови.

Во наредните денови се очекува променливо облачно време со повремени локални врнежи од дожд на пониските и снег на повисоките места и планините. Во втората половина од неделата, врнежите се очекува да бидат пообилни.