Од денеска патничките возови ќе сообраќаат и за викендите, со редуциран возен ред

Железници на РСМ-Транспорт од денеска, 16 мај, ќе ги стави во функција патничките возови и за време на викендите. Возови во сабота и недела ќе има на релациите Скопје-Гевгелија-Скопје, Скопје-Битола-Скопје и Скопје-Велес-Скопје, додека нема да се сообраќаат возовите од Скопје кон Куманово, Кичево и Кочани.

Почнувајќи од денеска, на релацијата Скопје-Битола ќе сообраќаат возовите во 6:57 и 14:30 часот, додека од Битола за Скопје ќе има возови во 6:00 и во 12:51 часот. Меѓу Скопје и Гевгелија, секојдневно ќе се одржат поаѓањата од Скопје во 6:23 и 15:24 часот, додека од Гевгелија за Скопје ќе има возови во 5:40 и 15:10 часот.

На релацијата Скопје-Велес-Скопје ќе има возови секој ден, со поаѓања од главниот град во 5:45, 9:15 и 13:20 часот, додека од Велес за Скопје возовите ќе поаѓаат во 6:40, 12:10 и 14:24 часот.

Редуцираниот возен ред на патничките возови е во согласност со ограничувањето на движење на населението во периодот од 19 часот навечер до 5 часот наутро. Железничкото претпријатие допрва ќе соопшти кога ќе ги врати во сообраќај возовите на релација Скопје-Куманово-Скопје, Скопје-Кичево-Скопје и Скопје-Кочани-Скопје.

Прочитајте повеќе

полиција

Двајца приведени за убиството на лекарот во Железара

Две лица се приведени во врска со убиството на лекарот во скопската населба Железара, изјави …