Од ноќеска бензинот поскап за 1.5 а дизелот поевтин за 1 денар

Цената на бензините од ноќеска на полноќ се зголемува за 1,5 денари за литар, а дизелот поевтинува за еден денар по литар, соопшти денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,09 отсто.

Новата малопродажна цена на Еуросупер БС-95 изнесува 92 денари за литар, Еуросупер БС-98 ќе се продава за 94, Еуродизел (Д-Е V) за 86, а Екстра лесното масло за домаќинство (ЕЛ-1) за 84 денари за литар.

Со одлуката на РКЕ за 0,258 денари за килограм се намалува и малопродажната цена на Мазутот М-1 НС и ќе изнесува 52,436 денари.