После целосното разгледување на извештаите за посетеноста на прикажаните претстави, НУ Театар Комедија утврди дека во 2019 година на својата сцена има реализирано пет премиери, од кои четири на големата сцена, а една на мала сцена.
Исто така, секторот аналитика утврдил дека во 2019 на сцената на Театар Комедија биле одиграни вкупно 179 престави кои ги виделе 46.609 посетители. Она со што од оваа театарска куќа се гордеат, е дека бројот на изведби бележи пораст од 62,7%, а посетеноста 60%.
Со овие бројки утврдени од страна на комисијата за аналитика при Одделението за маркетинг и продукција во институцијата, покрај фактот дека НУ Театар Комедија бележи огромен раст и развој во својата работа, таа целосно го заслужува епитетот најпосетуван театар во нашата држава.