Околу осум илјади компании може да ја искористат државната финансиска помош

Mинистерката без ресор задолжена за странски инвестиции, Зорица Апостолска оцени дека околу осум илјади компании би можеле да ги исполнат условите за користење на владината финансиска поддршка.

„Првичната бројка на компании кои можеа да ги искористат предвидените средства од државата беше седум илјади, но со олабавувањето на законската можност што помина во Собранието, бројката барем од сегашна перспектива, ќе изнесува осум илјади“, одговори Апостолска на новинарско прашање во Стопанска комора на Македонија, пред презентацијата на новиот пакет мерки пред италијанските инвеститори.

Таа исто така додаде дека се враќа интересот на италијанските компании за инвестирање во државата.

Првите два месеци од годината, вкупната трговска размена помеѓу Македонија и Италија е 104,72 милиона американски долари. Италија е шести најголем трговски партнер на Македонија.

Извор: МЕТА

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …