ПУБЛИКУМ Вистината на прво место
Реакција на Општина Битола на пресот на ОК на ВМРО-ДПМНЕ:
Неможејќи да се помират со се поголемите инфраструктурни зафати, како и со успешното решавање на наталожените проблеми кои ги оставија зад себе од комуналната и други сфери, својата безидејност од ВМРО-ДПМНЕ ја покажувата со крајно непознавање на законската регулатива, при тоа измислувајќи проблем таму каде што го нема.
За појаснување на јавноста, кандидатот Александар Ангелески е примен на позиција командир на одделение, согласно законската регулатива, поточно според важечкиот Закон за пожарникарство.
Цитирајќи несуштински и општи членови и ставови од Законот, ВМРО-ДПМНЕ сака да внесе забуна кај јавноста. Критериумите за избор на кандидатот се дадени во чл. 11Б, став 12.
-Според овој член, за нивото Б4 на кое е примен кандидатот Александар Ангелески, пропишани се 180 или 240 кредити според ЕЦВЕТ или МКСОО, 4 степен, или најмалку вишо или средно образование. Примениот кандидат има факултетско образование.
-Во истиот член се наведува дека за работното место класифицирано под Б4, потребно е најмалку 3 годишно работно искуство во струката, евидентирано во Агенцијата за вработување како работен стаж. Ангелески има над 9 години работно искуство.
Изборот на Ангелески за позицијата Б4 го изврши комисија, согласно законските прописи, а не градоначалничката Наташа Петровска.
Овој таканаречен „атак“, или испад на ВМРО-ДПМНЕ кон градоначалничката Наташа Петровска и локалната самоуправа, уште еднаш претставува само неуспешен обид во кој нема суштина, туку само „бомбастичен наслов“ за привлекување на новинарите и јавноста. Суштината, не се заснова ниту на законска процедура, ниту на принципи на работа.
