Општина Прилеп го одбележа Денот на македонската револуционерна борба

Со положување свежо цвеќе пред спомениците на Пере Тошев и Ѓорче Петров, Општина Прилеп го одбележа 23.Октомври, Денот на македонската револуционерна борба.

Честитајќи го празникот, градоначалникот Илија Јованоски посака овој ден да значи помирување и обединување на сите граѓани на нашата држава.

„Сакам да го честитам денешниот празник на македонската револуционерна борба и на сите граѓани од Република Македонија да им посакам обединување и помирување. Во овие политички моменти кои се предизвик за нашата држава, треба да најдеме можност да се обединиме и заедно да ја градиме нашата европска Македонија“, изјави градоначалникот Јованоски.