Во свечената сала во Владата на Република Северна Македонија, денеска со почеток во 12:00 часот ќе се одржи дипломатска дискусија на тема „Патот до Брисел”. Дискусијата со свои излагања ќе ја отворат премиерот Зоран Заев и заменичката на претседателот на Владата и министерка за одбрана Радмила Шекеринска, а во неа ќе учествуваат амбасадори на земјите членки на НАТО во Република Северна Македонија.
Настанот, во рамките на НАТО неделата, го организираат Министерството за одбрана, Евро Атлантскиот совет (АТА) и амбасадата на Република Словенија. На дискусијата ќе стане збор за процесот на ратификација на Протоколот за пристапување на Република Северна Македонија во НАТО.