Денеска, среда 5 јануари, во Крушево по 9-ти пат ќе биде одбележан празникот „Дева“. Празник кој своите корени ги влече од Русија и Украина, но првенствено од Романија, каде во минатото крушевчани оделе на печалба и од каде го донеле обичајот на славење на „Дева“.
Главен симбол на овој празник е Витлеемската ѕвезда, како предвесник на раѓањето Христово. „Дева“ е, всушност, славење на ѕвездата која ја следеле мудреците.
Одбележувањето на празникот ќе започне во 18.00 часот во градскиот парк во Крушево.