Два и пол месеца по предвремените избори, Бугарија доби нова влада. Станува збор за необична коалиција од прозападни, проруски и популистички партии.
Прозападниот сојуз од десниот центар ГЕРБ-СДС кој освои најголем број гласови на изборите, склучи сојуз со проруските социјалисти (БСП-ОЛ) и популистите од Има таков народ (ИТН). Освен тоа, партијата на Турците, ДПС, ѝ обезбеди на малццинската влада клучни гласови во парламентот.
Премиерот Росен Желјасков (ГЕРБ) ја оправда невообичаената коалиција со итната неопходност за извлекување на Бугарија од политичката криза. Тој изјави дека партиите кои се дел од владеачката коалиција ги „надминаа сввоите идеолошки разлики“ со цел да потпишат коалициски договор.
По седум избори во рок од три и пол години, Бугарија е соочена со големи предизвици. Централна задача на новата влада, меѓу другото, ќе биде носење на буџетот за 2025. Освен тоа, таа, според најавите, треба да работи на воведување на еврото во земјата, како и зајакнување на правната држава и енергетската безбедност.
ПУБЛИКУМ Вистината на прво место
