По скоро две децении во Делчево се чистат резервоарите за вода. Со цел подобрување на квалитетот на водата за пиење, ЈПКД „Брегалница“ , покрај редовното чистење и перење на примарната и на секундарно водоводна мрежа, во текот на вчерашниот ден изврши и чистење на резревоарот на мв Чуката по што беше извршена и дезинфекција на објектот. Како што истакна директорот на ЈПКД „Брегалница“ Стојче Стојковски, ваквите активности на претпријатието ќе продолжат и наредната недела за кога е планирано чистење, перење и дезинфекција на другиот резервоар во Делчево, по што ќе се пристапи и кон чистење на сите резервоари за вода во селските средини.
Во таа насока, а во рамките на проектот за изградба на нова пречистителна станица за вода за пиење, беше извршено подводно снимање на дното на акумулацијата Лошана. Снимањето го извршија нуркачи, а целта на оваа активност е да се види состојбата со внатрешноста на браната и талогот на дното од браната. Во текот на наредните денови ќе се изврши и скенирање на објектот брана Лошана.
Браната Лошана е изградена пред 10 години и има вкупен капацитет од 1.250.000 м3.