Почина Аки Рахимовски, фронтменот на „Парни ваљак“

Денеска, на 66 годишна возраст, почина пејачот и фронтмен на култниот екс-ју бенд „Парни ваљак“, Аки Рахимовски.

Како што информираат хрватските медиуми, на Рахимовски утрово му се слошило и бил префрлен во болница во Ново Место, Словенија, каде што подоцна починал. Пред четири години, тој преживеал мозочен удар.

Александар Аки Рахимовски е роден на 5 јуни 1955 година во Ниш. Оттаму со семејството се преселил во Скопје. Како тинејџер членувал во неколку бендови, меѓу кои и на групите Вакуум, Блад брадерс и Тор, со кои настапил на фестивалот во Загреб во 1975 година.

Истата година се запознава со гитаристот и композитор Хусеин Хасанефендиќ Хус и со Јурица Паѓен. Во соработка со менаџерот Владимир Михаљек Миха, ја основаат првата постава на „Парни ваљак“.

Ако Рахимовски беше вокал на 18 студиски албуми на групата.