Почина Крис Риа, автор и изведувач на „Driving Home for Christmas“, „Auberge“, „On the Beach“

„По кратко боледување, Крис Риа почина мирно во болница на 74-годишна возраст, опкружен со своето семејство“, во име на сопругата и двете ќерки, соопшти портпаролот на семејството на Риа.

Инспириран од блузот, британскиот гитарист, пејач и текстописец создаде низа хитови меѓу кои и „Driving Home for Christmas“ „Auberge“, „On the Beach“, „Fool (If You Think It’s Over“, „Let’s Dance“ и „Road to Hell“.

Во својата кариера, првиот успех Риа го постигна во 1978 година со песната „Fool (If You Think It’s Over)“, која му донесе номинација за Греми за најдобар нов изведувач.