ПУБЛИКУМ Вистината на прво место
Во последното деноноќие, Институтот за јавно здравје регистрирал 47 оздравени пациенти од Ковид-19 во земјава, и тоа во Скопје 9, Куманово 9, Прилеп 8, Тетово 13, Охрид 1, Гостивар 5, Кочани 1 и Крива Паланка 1, информираат од Министерството за здравство.
На Клиниката за инфективни болести и фебрилни состојби во Скопје починал еден пациент од Скопје на 65-годишна возраст, кој бил хоспитализиран на клиниката од 27 април.
„Во изминатите 24 часа направени се 113 тестирања, а потврдени се 7 нови случаи на Ковид-19 и тоа во: Скопје 1, Прилеп 1, Тетово 4 и Кратово 1“, информираат од Министерството за здравство.
Согласно ова, вкупната бројка на ковид дијагностицирани лица во нашата земја од почетокот на епидемијата изнесува 1.518, бројката на оздравени пациенти е 992, на починати е 85, а во моментов бројот на активни случаи во земјата изнесува 441. Досега во земјата се направени вкупно 17.359 тестирања на Ковид -19.
Во изминатото деноноќие на Клиниката за инфективни болести и фебрилни состојби примени се 2 нови пациенти, а вкупно хоспитализирани се 41. На кислородна поддршка е 21 пациент, а на механичка вентилација 1.
Во ГОБ „8 Септември“ примени се 3 нови пациенти, а вкупно хоспитализирани 24. На респираторна машина се 5 пациенти, а уште 3 се со потешка клиничка слика.
Во болницата во Битола се лекуваат 4 пациенти, а на домашно лекување се следат уште 2 пациенти. Во болницата во Штип се хоспитализирани вкупно 4, а уште 4 се следат на домашно лекување. На инфективните одделенија во Прилеп, Велес, Куманово, Гостивар и Тетово се хоспитализирани 46 позитивни и суспектни на Ковид-19.
Извор: МЕТА
