Преку дијалог до решенија, прекин на наставата не е добро за децата

Преку дијалог до решенија, прекин на наставата не е добро за децата

Прес-конференција на Лидија Тасевска, пратеничка на СДСМ

Почитувани,

До решенија е можно да се дојде само преку дијалог, без било какви уцени. Разбирлива е потребата од достоинствено вреднување на трудот на секој работник, секако и на наставниците.

Правото на штрајк е уставно загарантирано право, но исто така уставно загарантирано е и правото на образование.

Апелираме СОНК да се врати на дијалогот, да продолжат разговорите, наставниците да се водат од интересите на учениците кои се иднината на нашата држава.

Да не се дозволи штрајкот да влијае на прекин на образовниот процес или на продолжување на учебната година.

Прекин на наставата ќе го наруши наставниот процес, ќе доведе до работни саботи или пролонгирање на учебната година и пократок летен распуст затоа што програмата на часови мора да биде остварена.

Исто така тоа негативно ќе се одрази и на уписите, на полагањето државна матура, но и на полагањето стручен испит за околу петстотини наставници.

Тоа е на штета на воспитно образовниот процес, на штета на учениците, на матурантите.

Затоа и УНИЦЕФ предупреди дека децата не можат да си дозволат дополнителен прекин во наставата.

Прочитајте повеќе

тренчевска

Тренчевска: Освен враќање на оградата пред Влада и прифаќање на Северна Македонија од ВМРО-ДПМНЕ досега нема ништо друго

Пратеничката на СДСМ Јована Тренчевска во емисијата „Само вистина“ на Канал 5 телевизија рече дека …