Премиерот Заев ќе ги посети повредените и ќе присуствува на комеморативната седница во чест на загинатите

Претседателот на Владата, Зоран Заев денеска во 10.30 часот ќе ги посети повредените граѓани во страотната сообраќајна несреќа што се случи во близина на село Ласкарци, а кои се сместени во болницата 8-ми Септември.

После тоа, премиерот Заев ќе се упати кон Гостивар кадешто во 12.00 часот ќе присуствува и ќе се обрати на Комеморативната седница во чест на загинатите граѓани во сообраќајната несреќа, којашто ќе се одржи во Општина Гостивар.