Премиерот Заев ќе се обрати на официјалното отворање на фабриката „Гересхајмер“

Денеска во 10 часот, премиерот Зоран Заев заедно со заменик-претседателот за економски прашања и координација на економските ресори и инвестиции Фатмир Битиќи, министрите за здравство и економија, Венко Филипче и Крешник Бектеши, како и со директорот на ТИРЗ, Јован Деспотовски, ќе присуствуваат на официјалното отворање на фабрика „Гересхајмер“ во Технолошко индустриска развојна зона Скопје 2, „Бунарџик“.

Станува збор за германска инвестиција од областа на фармацевтската и здравствената индустрија, кој произведува специјализирани производи од медицинско стакло и пластика. Во првата фабрика на „Гересхајмер“ во Северна Македонија се произведуваат пластични системи за фармацевтската индустрија.