Претседателот Пендаровски ќе се обрати на средбата на Државниот завод за статистика со градоначалниците во пресрет на пописот

Денеска во Големата сала на Собранието на Република Северна Македонија, со почеток во 12:00 часот, Претседателот Стево Пендаровски ќе се обрати на средбата што Државниот завод за статистика ја организира со градоначалниците на општините.

Средбата е посветена на значењето и улогата на локалната самоуправа во процесот на подготовка и спроведување на Пописот на населението, домаќинствата и становите, кој ќе се одржи од 1 до 21 април оваа година.