Прилеп: Од четврток до сабота ќе се одржи 14.Фестивал на новиот германски филм

Од 16 до 18 мај во кино Мис Стон при НУЦК„Марко Цепенков“ во Прилеп, ќе се одржи  14. издание на Фестивалот на новиот германски филм.

Драма, трагикомедија и комедија, семеен, детски и кратки филмови е изборот за годинашниот Фестивал, што ЦК „Марко Цепенков“ го реализира во соработка со Амбасадата на Сојузна Република Германија.

Отворањето на фестивалот ќе биде во четврток, со комедијата „100 работи” во режија на Флориан Давид Фиц.

Наредните два дена, во петок и во сабота ќе се прикажат три детски и три играни филмови, а ќе има проекција на кратки филмови.

-Филмовите се грижливо избрани со цел да задоволат многу вкусови, а некои од нив се навистина ексклузивни со постигнат огромен успех на филмските фестивали. Еден од филмовите беше и во конкуренција за наградата „Златна мечка” на престижното Берлинале – велат  од Германската амбасада.

Распоред на филмовите:

16.05.2019 – 20.00 часот (четврток)

„100 нешта“ /комедија, отворање на Фестивалот

 17.05.2019 (петок)

 11.00 часот – „Тоби и тајната на нашата планета“ / филм за деца

13.00 часот – „Тим Талер или Продадената смеа“/ семеен/ драма/филм за деца

18.00 часот – „ Во време на намалена светлина“/ драма, комедија

20.00 часот – „Патување во Ерусалим“/драма

 18.05.2019 (сабота)

11.00 часот – „Помош, ги смалив моите родители“/ филм за деца

18.00 часот –  „Пакет кратки филмови“

20.00 часот –   „Крајот на вистината“ / тилер/драма

Прочитајте повеќе

Победник на вечерта: „Опенхајмер“ освои седум Оскари

Филмот „Опенхајмер“ ја оправда фаворитската улога на 96. доделување на најпрестижните филмски награди во светот. …