Прилепски „Водовод и канализација“ ги привршува градежните зафати на новата канализациона линија на улица „Бидимаж“

ЈКП „Водовод и канализација“-Прилеп интензивно работи на поставување нова атмосферска канализациона линија на ул „Бидимаж“.

Имено, на оваа улица поставена е нова атмосферска канализациона линија DN200, во должина од 110 метри со чие поставување се решава долгогодишниот проблем на жителите од урбаната заедница „Бончејца“.

Од јавното претпријатие информираат дека привршуваат инфраструктурните зафати и интервенции на водоводната и канализациона мрежа на повеќе улици во градот.