Пролетни температури во деновите од викендот

Како резултат на стабилната, сува и топла воздушна маса која продира од јужните географски широчини, времето во нашата држава во деновите на викендот ќе биде сончево и невообичаено топло за овој период од годината. Ќе дува слаб до умерен ветер од јужен и од југозападен правец, а максималните дневни температури на воздухот ќе се искачат во интервалот од 16 до 22 степени. Нови врнежи од дожд се очекуваат од понеделник.