Пронајден огромен дијамант

Голем е колку авокадо и важи за еден од најголемите дијаманти во светот – во рудник на канадската компанија Лукара Дајмонд Корп во Боцвана е пронајден огромен дијамант од 2.492 карати. За квалитетот на дијамантот сѐ уште нема точни информации, но се вели дека тој е со „висок квалитет“.

Во Боцвана, во 2021 година, компанијата Лукара пронајде дијамант од 1174,76 карати, кој досега се сметаше за трет најголем во светот. Најголемиот дијамант за кој има документирани податоци е ископан во 1905 година, во близина на Преторија (ЈАР) и тој имал 3106 карати. Дијамантот е исечен и оттогаш е дел од скапоцените камења на британската круна.

Извор: DW