ПУБЛИКУМ Вистината на прво место
Вилма Русковска, обвинителката која го предводи Обвинителството за организиран криминал и која го застапува обвинението за 27 април, вчера изјави дека нема да бара мерки за следење за Трајко Вељановски и за Љупчо Димовски на кои Собранието не им го одзеде имунитетот.
Во изјава за Телма таа рече: „Ако избегаат, Собранието нека му ја мисли“.
Русковска не ги коментираше случувањата во Собранието и не кажа дали ваквиот исход може да влијае на истрагите кои ги води обвинителството. Истрагите ќе продолжат, а Вељаноски и Димовски засега остануваат на слобода. Обвинителството може да побара притвор и во случај доколку подигне обвинение, по што ќе треба да се повтори целата процедура за имунитетот.
