САД ги охрабруваат Македонија и Грција да најдат заемно прифатливо решение

Стејт департментот ја потврдува својата континуирана поддршка за разговорите меѓу Македонија и Грција, истовремено охрабрувајќи ги лидерите на двете земји да постигнат заемно прифатливо решение, изјавија од Стејт департментот за грчката новинска агенција АНА-МПА.

„САД продолжуваат да ги поддржуваат тековните разговори под покровителство на Обединетите нации за решавање на прашањето за ПЈРМ. Ги охрабруваме лидерите на Македонија и Грција да најдат заемно прифатливо решение во интерес на евроатланската интеграција, економскиот просперитет, мирот и безбедност во регионот“, се вели во писмената изјава.

Извор: МЕТА