СДСМ: Опожарувањето на возилото на пратеникот Ристески е криминален чин, институциите да го расчистат случајот

Соопштение за јавност на СДСМ

Од МВР и сите надлежни институции очекуваме целосно да го расчистат случајот со опожареното возило на пратеникот од ВМРО-ДПМНЕ, Ристески, а сторителите да бидат пронајдени и санкционирани согласно законите.

СДСМ го осудува овој криминален чин, повикува на одговорност и очекува јавноста детално да биде информирана за причините, мотивите, како и за сторителите.

Доколку во ВМРО-ДПМНЕ имаат внатрешни проблеми, не е начин неосновано да се обвнува било кој, како што поединци во оваа партија на чело со армискиот дезертер, Драган Ковачки тоа го прават.

Обидите за манипулација и покажувањето со прст кон некој друг, само за дневно-политички цели, е свесна злоупотреба на случајот, а можеби и свесно погрешно наведување.

На потег се институциите.