СДСМ Прилеп: Градиме нов спортско – рекреативен комплекс кај Прилепското езеро, зборот е збор

Филип Попоски – Портпарол на ОО СДСМ Прилеп

Почитувани,

Локалната власт предводена од СДСМ и градоначалникот Илија Јованоски, посветено работи на инфраструктурните инвестиции во општина Прилеп.

Деновиве се одвиваат силни градежни активности кај Прилепското езеро, каде се гради нов спортско – рекреативен комплекс, што е уште една потврда дека градиме по план во услови на пандемија и го исполнуваме дадениот збор пред граѓаните.

Со капиталниот проект „Прилепско езеро – нови авантури, нови можности“ чија вредност изнесува 50 милиони денари, го враќаме сјајот на ова излетничко место.

Во рамки на спортско-рекреативниот комплекс, се гради кошаркарско игралиште, игралиште за одбојка, простор со пинг понг маси, како и две пешачки патеки во должина од 750 метри.

Особено важел дел од комплексот е мултимедијалниот простор, на кој ќе има 3 летниковци, 20 клупи, како и платформа за одржување на различни културни манифестации.

Спортско – рекреативниот комплекс ќе биде целосно осветлен, до него ќе се влегува преку пристапна улица долга 35 метри, а ќе има и осветлен паркинг за дваесетина моторни возила.

Со сето ова, придонесуваме да се вратат некогашните излети, дружења и забави кај Прилепското езеро каде, истовремено граѓаните ќе имаат можност за рекреација, спорт и уживање во природата на овој дел од општина Прилеп.

Почитувани,

Продолжуваме со посветена работа на ветените проекти, со кои го подобруваме животот на сите граѓани.

Прочитајте повеќе

Филипче се сретна со млади лекари и специјализанти во Струмица

Филипче се сретна со млади лекари и специјализанти во Струмица

Носителот на листата за пратеници на СДСМ и коалицијата во Изборна единица 4, Венко Филипче …