Мартина Стојкоска – портпарол на ОО СДСМ Прилеп
Почитувани,
Интензивните градежни активности за новата спортска сала во ООУ „Кире Гаврилоски-Јане“, се уште една потврда дека локалната власт предводена од СДСМ и градоналникот Илија Јованоски, си стои на дадениот збор.
Во моментов со забрзано темпо се работи на изградбата на делот од спортската сала каде ќе се наоѓаат соблекувалните, кабинетите и тоалетите.
Наскоро следува поставувањето на челичната конструкција и опремување на спортската сала со сите неопходни реквизити за квалитетна настава по физичко и здравствено образование на учениците.
Новата мултифункционална, енергетски ефикасна училишна спортска сала, ќе биде погодна за кошарка, ракомет, одбојка, мал фудбал, пинг-понг и гимнастика.
Со големо задоволство можеме да истакнеме дека во новата учебна година, наместо во импровизирана училница, учениците од ООУ „Кире Гаврилоски-Јане“ ќе одржуваат настава по физичко образование во современ спортски објект.
Стекнувањето на здрави животни навики уште во рана возраст, е од особена важност за иднината на учениците и затоа власта предводена од СДСМ инвестира во нови спортски објекти.
Инвестирајќи во нова спортска инфраструктура, инвестираме во она што е најдобро за младите и најдобро за нашата општина.