ПУБЛИКУМ Вистината на прво место
По повод Светскиот ден на дијабетесот, 14.Ноември, Општинската организација на СДСМ – Прилеп организира трибина на тема „СПОРТ VS ДИЈАБЕТЕС”.
На трибината свое обраќање ќе имаат истакнатиот ракометар и претседател на Комисијата за спорт на СДСМ, Наумче Мојсоски, професорот по физичка култура Христо Белакапоски и Симона Ристеска, професорка во СОУ „Ѓорче Петров”.
Трибината ќе се одржи во четврток, 14 ноември со почеток во 19 часот, во Градската библиотека „Борка Талески”.
Светскиот ден на дијабетесот е креиран во 1991 година од страна на Меѓународната Федерација за дијабетес IDF и Светската Здравствена Организација WHO, како одговор на растечката загриженост за ескалирачката закана по здравјето предизвикана од дијабетесот. Светскиот ден на дијабетесот стана официјален ден на Обединетите Нации во 1996 година, а секоја година се одбележува на 14 ноември, во чест на роденденот на Фредерик Бантинг, еден од пронаоѓачите на инсулинот.
