ПУБЛИКУМ Вистината на прво место
Соопштение за јавност на Комисијата за култура на СДСМ
Но, најскандалозниот и најопасниот момент е следниов:
Министерот јавно ги објави резултатите од конкурсите на интернет, додека поединечните решенија сè уште не се доставени до апликантите преку системот uslugi.gov.mk, како што налага законската и административната постапка.
Со ова е направено сериозно прекршување на постапката. Апликантите немаат формално врачени решенија, немаат правна поука, ниту можност навремено да ги остварат своите законски права за жалба и приговор. Ова претставува основ за оспорување на целиот конкурс во пакет, бидејќи постапката е компромитирана уште во самиот чин на објавување.
Дополнително, и понатаму не се објавени резултатите за Националните установи од културата, што отвора сериозен сомнеж за намерно криење информации и можни злоупотреби на јавните средства.
Во музејската дејност, од околу 500 доставени апликации, одобрени се само 80 проекти, без јавно објаснување по кои критериуми, со какви оценки и со каква стручна аргументација. Ова не е културна политика, туку институционален хаос.
Дополнително, т.н. „делегиран буџет“, кој министерот се обидува да го прикаже како пилот-проект, е спротивен на Законот за култура и претставува опасен механизам за директна политичка контрола и клиентелизам.
За потсетување, во време на СДСМ, Годишните програми за култура беа целосно транспарентни,јавно се објавуваше кој аплицирал, колку средства побарал, колку добил и зошто, со јасни критериуми и можност за образложение. Денес, тоа е заменето со тајност, партиска селекција и правна несигурност.
Фактот што Годишната програма се најавува со задоцнување и спротивно на утврдените рокови е уште една потврда дека културата под ДПМНЕ е доведена во целосен распад.
СДСМ јасно и недвосмислено порачува: културата не е партиски плен. Бараме итно поништување на спорните постапки, целосно објавување на сите резултати, доставување на решенијата до апликантите согласно законот, јавно објавување на составот и одговорноста на комисиите и политичка одговорност од министерот Зоран Љутков.
Ова не е реформа. Ова е срамна партизација, правен хаос и културна деградација во режија на ДПМНЕ.
