Шер фондација: Податоците од телефоните на новинарите и активистите се праќани до серверите на БИА

Фондацијата Шер (Share) ќе ги проследи сите собрани докази за прислушување и шпионирање, откако огранизацијата „Амнести интернешнал“ објави извештај во кој се вели дека Српските власти инсталирале шпионски софтвер на телефоните на новинари и активисти, пишува Н1.

Филип Милошевиќ од фондацијата Шер објаснува дека форензичката анализа на уредите кои биле во сопственост на новинари и активисти, покажала дека на нив бил користен израелскиот софтвер „Cellebrite“ за отклучување на телефоните и потоа преземање на сите податоци од нив.

Тој додава дека собраните докази ќе ги проследи пред се до Обвинителството за високотехнолошки криминал, како кривична пријава против непознати лица, бидејќи се работи за кривично дело.

По отклучувањето, според него, телефоните биле „заразени“ со софтвер кој потоа прави слики од екранот, ја вклучува камерата и микрофонот и ги испраќа сите тие податоци до серверите на БИА.

„Значи, прво ги преземале сите податоци, па го заразиле уредот, па си одиш дома со тој заразен уред, кој цело време прави таканаречени скриншоти. Сега можат да се приспособат, дури видовме дека ги смениле поставките. Преку анализа на мрежата всушност може да се види дека тие слики од екранот отишле на серверите на БИА“, вели тој.

„Cellebrite“ производите се широко користени од многубројни полиции за спроведување на законот во светот вклучувајќи го и американското ФБИ.

Извор: МЕТА