По нajновите изјави на новоизбраниот американски претседател Доналд Трамп за американските претензии кон Гренланд, канцеларот Олаф Шолц предупреди од принудни поместувања на границите. „Принципот на неповредливост на границите важи за секоја земја – без разлика дали е на исток од нас или на запад“, рече Шолц на краткорочно закажана прес-конференција во Берлин. „Секоја држава мора да се придржува до ова – без разлика дали е мала земја или многу моќна држава.
Германскиот канцелар, исто така, рече дека разговарал за ова прашање со европските партнери. При овие разговори, според Шолц, било искажано „одредено неразбирање кога станува збор за тековните изјави од САД“. Неприкосновеноста на границите е „суштинска компонента на она што ние го нарекуваме западни вредности“, рече канцеларот. Тоа не смее да се потресува истакна Шолц,
Рускиот владетел Владимир Путин го прекрши овој принцип со нападот врз Украина, продолжи Шолц, повлекувајќи притоа експлицитна паралела со војната во Украина.
Идниот претседател на САД, во вторникот (7 јануари, 2024) ги повтори своите закани за преземање на контролата врз Панамскиот канал и Гренланд, арктички остров богат со ресурси, кој и припаѓа на Данска. Доналд Трамп притоа не сакаше да исклучи ниту воена опција. „Можеби нешто треба да се направи“, рече тој.
Извор: DW
ПУБЛИКУМ Вистината на прво место
