Шолц смета дека ЕУ треба да го олесни процесот на проширување

Европската унија треба да им го олесни пристапот на новите членки, изјави германскиот канцелар Олаф Шолц во интервју за ДПА каде ги изложи своите планови за убедување на телото да ги „модернизира“ своите процеси.

Време е не само земјите кандидати, туку и самата Европска унија да се подготви за проширување на клубот, изјави тој за ДПА.

„За да се случи тоа, мора да ги модернизира своите структури и процесите на одлучување. Нема да биде возможно да се одлучува за сè што е решено со едногласно гласање денес, со едногласно гласање во иднина“, истакна тој.

Шолц рече дека се надева оти ќе ги изнесе своите предлози на самитот на ЕУ закажан за четврток и петок.

Шефовите на 27-те земји-членки на состанокот треба да ги разгледаат апликациите за членство во ЕУ од Грузија, Молдавија и Украина, што се случува само една недела откако Европската комисија препорача Молдавија и Украина да станат официјални кандидати за членство, мислење поддржано од Шолц.

Во моментов, прашањата за кандидатскиот статус мора да бидат едногласно договорени од сите 27 земји-членки, но во ЕУ долго време се расправа за ублажување на ова правило.

Сепак, какви било реформи во процесот може да се спроведат само доколку има едногласна поддршка за таквите промени.

Извор: Радио Слободна Европа