Синдикатите повикаа на генерален штрајк во Франција, стотици илјади луѓе се очекува да излезат на улиците

Синдикатите повикаа на генерален штрајк во Франција, стотици илјади луѓе се очекува да излезат на улиците

Стотици илјади луѓе се очекува да учествуваат на протестите низ Франција, откако синдикатите повикаа на национален штрајк против владините буџетски кратења, растот на трошоците за живот и влошувањето на условите во јавните служби. Во штрајкот се очекува да се вклучат здравствените работници, контролорите на летање, поштенските службеници, наставниците и железничарите, објави Гардијан.

Главните железнички синдикати предупредија дека предложените буџетски мерки ќе ја продлабочат сиромаштијата, ќе ја ослабат социјалната заштита, ќе ги замрзнат платите на државните службеници и ќе ги намалат инвестициите во еколошки проекти.

На протестите им се приклучија и средношколците, кои со блокади на училиштата веќе неколку недели бараат подобри услови за образование. Тие реагираат на преполните училници и запуштените училишни згради, а во блокадите учествуваат и студенти, кои затворија дел од универзитетските факултети.

На штрајкот се приклучија и синдикатите на наставниците во приватните училишта, заедно со нивните колеги од државните образовни установи. Протестите ги поддржаа и синдикални организации со различна политичка ориентација, обединети околу барањата за повисок животен стандард и противењето на намалувањето на јавните расходи.

Паралелно, организации за човекови права протестираат против прекумерното полициско присуство и обидите на властите да го ограничат правото на демонстрации. Француската лига за човекови права предупреди на „авторитарен пресврт“ и обид за замолчување на критичките гласови. Властите воведоа ограничувања за протестирање во централните градски подрачја, а во одредени области и полициски час.

„Живееме во многу сериозен период, со многу опасно авторитарно свртување на владата“, изјави Софи Бине, лидерка на левичарскиот синдикат ЦЖТ (CGT).

Извор: МЕТА

Прочитајте повеќе

Шокантно сведоштво на мајката на претепаното девојче од Охрид: „Го прашуваше татко му дали да ја фрли во провалија“

Шокантно сведоштво на мајката на претепаното девојче од Охрид: „Го прашуваше татко му дали да ја фрли во провалија“

Ирена Ѓорѓиеска, мајка на претепаното девојче од Охрид кое сè уште се наоѓа на болничко …