• Импресум
  • Контакт
  • Политика на приватност
Оди на...
    ПУБЛИКУМ ПУБЛИКУМ
    • Почетна
    • Македонија
      • Прилеп
      • Партиска хроника
      • Фејсбук статус на денот
      • Избрани твитер статуси
      • Писма од читатели
    • Глобус
    • Пари
    • Анализа
    • Интервјуа
    • Колумни
      • Чеге Вара
    • Магазин
      • Спорт
      • Техника
      • Авто-мото
    Оди на...

      СЈО почна истрага против Ахмети и Груевски за пропаднатиот попис

      21/3/2018
      Македонија
      СЈО почна истрага против Ахмети и Груевски за пропаднатиот попис

      Специјалното јавно обвинителство денеска објави дека отвора три нови истраги, и тоа „Попис“, „Моќник“ и „Актор“, во кои се сомничат Никола Груевски, Али Ахмети, Антонио Милошоски и повеќе лица од „Актор“ – компанијата која го градеше автопатот Демир Капија – Смоквица.

      Како што објави специјалната обвинителка Фатиме Фетаи, во случајот „Попис“ се почнува истрага против тогашниот премиер и претседател на ВМРО-ДПМНЕ и на претседателот на ДУИ за одлагање на пописот во 2011 година поради политички причини, односно тие се сомничат дека се договориле да го прекинат пописот, бидејќи сметале оти демографските факти нема да им одат во прилог.

      -Воедно, со цел да избегнат одговорност за која од разговорите произлегува дека се свесни дека постои, се договориле причините за стопирање на пописот преку средствата за јавно информирање и преку партиските соопштенија да ги презентираат како проблеми од техничка природа и од некадарноста на државната пописна комисија и Заводот за статистика, иако уште со донесувањето на Законот за попис и законските решенија во истиот се овозможува различно толкување на Законот и неизвесност за законито негово спроведување, што го нотира Еуростат во својот извештај – рече Фетаи.

      Со тоа што не го одложиле пописот за подоцнежно време, туку под нивно влијание во Собранието на Република Македонија е донесен законот за кој престанува да важи Законот, нанеле штета на буџетот од над 175 милиони денари.

      – Преку влијание врз парламентарните групи на двете партии, на 15 октомври 2011 година бил изгласан закон со кој престанува да важи законот за попис. На тој начин потрошените пари до момент на одложувањето, кои се искористени за обука и подготовки, не би биле штета и би биле искористени во одложената операција – рече Фетаи.

      Во случајот „Моќник“, кој се води против, како што рече обвинителката Фетаи, во тоа време многу влијателен пратеник, беа посочени два случаи на кривични дела – продажба на општинската зграда на Општина Пласница во селото Ижишта и за нарачка на лустрација на судијата Драги Билески. Од досегашните извештаи во медиумите, станува збор за Антонио Милошоски, а покрај него се осомничени и неговиот татко, потоа тогашниот градоначалник на Општина Македонски Брод и други лица.

      Фетаи рече дека имало многу кривични дела во постапката со која општинската зграда на Општина Пласница и земјиште станале сопственост на таткото на Милошоски, а во врска со незаконската продажба, потоа првоосмничениот, според обвинителката, нарачал лустрација против кичевски судија. Имено, станува збор за судијата Драги Билески, за кој постои основано сомнение дека бил лустриран по нарачка на Милошоски, бидејќи тој сметал дека го штити градоначалникот на Пласница, Исмаил Јахоски, кој се спротивставил на продажбата. Освен тоа, како што рече  Фетаи, првоосомничениот пратеник нарачал инспекциски контроли во компанијата на Јахоски – „Пуцко Петрол“.

      СЈО почна истраги и за случајот „Актор“, односно за тендерот за изградба на автопатот Демир Капија – Смоквица, како и за извлекувањето големи суми пари од вработени во компанијата. Првоосомничен во овој случај е тогашниот премиер Никола Груевски, а второосомничен тогашниот министер за транспорт и врски Миле Јанакиески, како и тројца членови на комисија во Министерството и одговорни лица во грчки „Актор“, неговото македонско претставништво и уште две компании за перење пари. Притоа, како што рече Фетаи, Груевски влијаел врз Јанакиески да не биде избрана компанија од Италија, оти во Македонија нејзин претставник бил „комуњар“ а нему повеќе му се „допаѓаат оние од југ“.
      Останатите се сомничат за сокривање на парите.

      Извор: МЕТА

      Споделете :
      • Facebook
      • Twitter
      Груевски: Можеби следната истрага на СЈО ќе биде затоа што некаде сум ручал, па сум платил
      Следно
      Груевски: Можеби следната истрага на СЈО ќе биде затоа што некаде сум ручал, па сум платил
      СЈО го презеде случајот „Монструм“
      Претходно
      СЈО го презеде случајот „Монструм“

      Слично

      • 20/2/2019

        Јавно обвинителство: Под истрага организаторите на настаните во Собранието на

        Јавно обвинителство: Под истрага организаторите на настаните во Собранието на Република Македонија
        20/2/2019

        Притворени Вељаноски, Ристоски и Јанакиески за организирање на настаните од

        Притворени Вељаноски, Ристоски и Јанакиески за организирање на настаните од 27 април
        20/2/2019

        Писмо на Трамп до Заев: Ви честитам за лидерството и

        Писмо на Трамп до Заев: Ви честитам за лидерството и посветеноста, Северна Македонија е голем партнер на САД
      • “Глогов колец“ во срцето на СЈО
        “Глогов колец“ во срцето на СЈО
        19/2/2019
      • Кривогаштани: Одговорност за вработените во локалната самоуправа заради лажно прикажување на финансискиот долг
        Кривогаштани: Одговорност за вработените во локалната самоуправа заради лажно прикажување на финансискиот долг
        18/2/2019
      • На подрачјето на Прилеп, МВР спроведе зајакната акциска контрола за откривање на возачи под дејство на алкохол
        На подрачјето на Прилеп, МВР спроведе зајакната акциска контрола за откривање на возачи под дејство на алкохол
        18/2/2019
      Дозволено е превземање со наведување на изворот и линкување. 2016 Публикум МЕДИА